Black Ryno yaad really get shoot up??

A wah dis mi a hear bout black ryno house being shot up??? ok d first suspect weh cum to mind is Kartel rite....but as much as mi nuh have nuh ratings fi d drama queen......mi really nuh wah believe say him have nothing fi duh wid dat.......but i mean.....it luk a likkle way still yuh zeemi..........KIm...formerly Gaza Kim....get sum raas beaten a big yaad afta she and d gaza queen have a likkle friction.....kartel say him nuh involve and w/e.........even tho a fi him place d event transpired and wat not.......now a day or so afta it bus big big say ryno lef him place get shoot up....all mi a say dem deh a sum weird coincidences.....but lets b fair tho........Jamaican ppl bloodclaat fool to....and nuff a wi nuh able fi decipher d plain and simple fact say wen 2 artiste a war a fame dem a raas luk!!!! and wi get suh wrapped up inna d music dat wi feel say yow kartel a more dan mi artiste him a mi bredrin....and frm yuh violate mi bredrin yuh affi get yuh ass whooped or yuh shot up..........so mite b a sum crazed fan duh it.....but whicheva a d 2 it is it still sad......and ppl honestly most a dem jus see kartel a stage show dem neva yet tlk or hold him hand but still yet dem willing fi assault ppl fi him......but mi have a question wen yuh beat smaddy or soot dem up and yuh get found out and d police dem cum fi cart yuh off a jail.....and yuh mada or fada or whoeva affi spend dem last fi pay off lawyer fi represent yuh inna court and wen yuh lose d case and yuh guh prison and sum man twice ur size bend yuh ova and force up sumn stiff and haad inna yuh batty.........where will Kartel be???? prolli pon d gaza wid sum fat gyal....or w/e him prefer a sip pon vibes rum and henny and jus being plain merry!!!!! suh wen unnuh aguh do sumn illegal in d name a any artiste yow dem done rich areadi ehnuh....dem gud....yuh fi a luk pon fi elevate yuhself and live yuh life!!!!!And another ting too a d man father house!!!! seriously ppl spose unnuh did kill smaddy?? him fada or sum other family member??? ppl unnuh a guh too hard keep d music industry abt music man!!!! jeez......strength and blessings 2 ryno stillz hope dis make yuh stronger and pls nuh contd d cycle a violence it hot mi kno and yuh feel yuh affi defend yuh family but if yuh retaliate inna d same way it jus a rept d vicious and ugly cycle.........and o Kartel comment inna d star bout blak ryno being confused dwl.........dat did kinda haad stilz.....but yeh ryno luv yuh lukin for bigger and better stilz